उपमुख्यमंत्री अजित पवार यांचा विमान अपघातात मृत्यू

विदर्भीयन बाणा विशेष प्रतिनिधी, बारामती/पुणे, २८ जानेवारी २०२६

महाराष्ट्राचे उपमुख्यमंत्री आणि राष्ट्रवादी काँग्रेस पक्षाचे (अजित पवार गट) नेते श्री. अजित पवार यांचा आज सकाळी बारामती येथे विमान अपघातात दुःखद निधन झाले. हे विमान मुंबईहून बारामतीकडे जात असताना लँडिंगदरम्यान रनवेपासून बाजूला गेले आणि भीषण अपघात झाला. या अपघातात विमानातील अजित पवार यांच्यासह विमानातील इतर सर्व सदस्यांचाही मृत्यू झाला असून, DGCA आणि स्थानिक अधिकाऱ्यांच्या प्राथमिक माहितीनुसार विमानातील ५ ते ६ जणांचा मृत्यू झाला आहे.अपघाताची माहिती मिळताच संपूर्ण राज्यात शोककळा पसरली आहे. अजित पवार हे जिल्हा परिषद आणि पंचायत समिती निवडणुकीसाठी बारामतीमध्ये ४-५ सभांना संबोधित करण्यासाठी निघाले होते. विमानातील इतर प्रवासी यात त्यांचे सुरक्षा रक्षक, वैयक्तिक सहाय्यक आणि क्रू मेंबर्स होते.

अपघात कसा झाला?

सकाळी सुमारे ८.४५ वाजता बारामती विमानतळावर लँडिंग करताना विमान रनवेपासून फिसलले, त्यानंतर ते शेतात कोसळले आणि आग लागली. विमान पूर्णपणे जळून खाक झाले. प्रत्यक्षदर्शींनी सांगितले की, अपघातानंतर मोठ्या प्रमाणात धूर आणि आग दिसत होती. विमानाचे तुकडे उडाले होते.

प्रतिक्रिया आणि राजकीय परिस्थिती

• पंतप्रधान नरेंद्र मोदी यांनी अजित पवार यांच्या निधनावर शोक व्यक्त केला असून त्यांना “लोकांचा नेता” आणि “ग्रासरूट स्तरावरील मजबूत संपर्क असलेला कार्यकर्ता” म्हटले.
• केंद्रीय गृहमंत्री अमित शाह यांनीही दुःख व्यक्त केले.
• शरद पवार, सुप्रिया सुळे आणि सुनेत्रा पवार यांच्यासह संपूर्ण पवार कुटुंब दिल्लीहून तातडीने बारामतीकडे रवाना झाले आहे.
• महाराष्ट्राचे मुख्यमंत्री देवेंद्र फडणवीस यांनीही या घटनेची माहिती घेतली असून, मदतकार्य सुरू केले आहे.

अजित पवार यांचे योगदान

अजित पवार हे महाराष्ट्राच्या राजकारणातील एक प्रमुख नेते होते. ते बारामती मतदारसंघाचे खासदार राहिले होते, नंतर त्यांनी उपमुख्यमंत्रीपद भूषवले. त्यांच्या विकासकामांसाठी आणि जनसंपर्कासाठी ते ओळखले जात होते. ६६ वर्षीय अजित पवार यांचे निधन महाराष्ट्राच्या राजकीय वातावरणात मोठी पोकळी निर्माण करणारे आहे.विदर्भीयन बाणा या दुःखद घटनेचे श्रद्धांजली अर्पण करतो. अधिक माहिती येताच अपडेट देण्यात येईल.

विदर्भीयन बाणा – विदर्भातील खऱ्या बातम्या, विदर्भाच्या आवाजासाठी!
#AjitPawar #PlaneCrash #Baramati #MaharashtraNews